جاڭا نىسان تاۋەلسىزدىك مەرەكەسى قارساڭىندا پايدالانۋعا بەرىلدى, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
«KMG Automation» - “قازمۇنايگاز” ۇك اق جانە ەنەرگيانى باسقارۋ مەن ونەركاسىپتىك اۆتوماتتاندىرۋ سالاسىنداعى ءىرى الەمدىك كوشباسشىلاردىڭ ءبىرى «Schneider Electric» كومپانياسى بىرىگىپ قۇرعان كاسىپورىن. كاسىپورىندا شىعارىلاتىن قىسىم قۇرىلعىلارى ءار ءتۇرلى وندىرىستىك جانە كليماتتىق جاعدايلاردا كەز-كەلگەن ورتانىڭ قىسىم دەڭگەيىن انىقتاپ, ولشەۋگە مۇمكىندىك بەرەدى.
نىساننىڭ سالتاناتتى اشىلۋ راسىمىنە اتىراۋ وبلىسىنىڭ اكىمى, جەتەكشى قازاقستاندىق جانە حالىقارالىق كومپانيالار مەن ۇيىمداردىڭ باسشىلارى مەن وكىلدەرى جانە جەرگىلىكتى كاسىپكەرلەر قاتىستى.
- ەلباسىمىز ۇكىمەتكە, ورتالىق جەرگىلىكتى اتقارۋشى ورگاندارعا, ۇلتتىق كومپانيا باسشىلارىنا ءونىمدى شيكىزات رەتىندە پايدالانىپ قويماي, ونى تەرەڭ وڭدەپ, قوسىمشا قۇنى جوعارى ءونىم شىعارۋعا تاپسىرما بەرگەن بولاتىن. وسى تاپسىرمانى ورىنداۋ بارىسىندا وبلىسىمىزدا پوليەتيلەن شىعاراتىن مەكەمە اشىلدى, پوليپروپيلەن شىعاراتىن مەكەمە قۇرىلىسى جۇرۋدە. بۇل ىستەر جالعاسىن تابادى. ولشەۋ قۇرالدارىن شىعارۋ كاسىپورنىنىڭ اشىلۋى دا قاجەتتىلىكتىڭ بار ەكەنىن كورسەتەدى. ءونىم ساپاسى مەن ونىمدىلىكتى ارتتىرۋ جونىندەگى ماسەلەلەر باقىلاۋدا بولادى. مامانداردىڭ بىلىكتىلىگى مەن تاجىريبەسى جوعارى بولعاندىقتان الەمدىك ستاندارتتارعا ساي ءونىم شىعاتىنىنا سەنىم مول,- دەيدى وبلىس اكىمى نۇرلان نوعاەۆ.
ايتا كەتەيىك, زاۋىت ءبىرىنشى كەزەڭدە تەتىكتەردى سەرىكتەستەر ۇسىناتىن قۇرامداس بولىكتەردەن قۇراستىرادى, بۇل قازاقستاندىق ۇلەستى 60% -عا دەيىن ارتتىرادى. ءوندىرىس 1 كەزەڭدە بولجامدى تۇردە 2000 بىرلىككە دەيىن ءونىم وندىرەدى.